„ ბოდიში, ჯარისკაცო, ფეხსაცმელი მხოლოდ წყვილად იყიდება“

ეს საინტერესოა - 16:01, 26 Aug, 2015

15456

ზოგჯერ ძალიან ბევრის თქმა ძალიან ცოტა სიტყვებით არის შესაძლებელი, ამის დასტურად რამდენიმე სიტყვიან მოთხრობებს გთავაზობთ:

“იყიდება ბავშვის ფეხსაცმელი. უხმარი.“- ერნესტ ჰემინგუეი

“დედამიწაზე უკანასკნელი ადამიანი იჯდა ოთახში მარტო. კარზე დააკაკუნეს.“- ფრედერიკ ბრაუნი

“დედამიწაზე უკანასკნელი ადამიანი იჯდა ოთახში მარტო. კარს ბოქლომი ედო.”- რონ სმიტი.

„დიდხანს ველოდი, მივიღე ჯანდაბა“- მარგარეტ ეტვუდი

„მძღოლმა სიგარეტს მოუკიდა და ავზისკენ დაიხარა, რათა შეემოწმებინა რამდენი დარჩენოდა ბენზინი. გარდაცვლილი 23 წლის იყო.“- ო . ჰენრი

ინგლისში ყველაზე მოკლე მოთხრობების კონკურსში, სადაც მოთხოვნა იყო, რომ გამოყენებული უნდა ყოფილიყო სიტყვები: რელიგია, სექსი, საიდუმლო.) გამარჯვებული შემდეგი მოკლე მოთხრობა გახდა “ღმერთო ჩემო, ფეხმძიმედ ვარ; ნეტავ ვისგან.“

ყველაზე პატარა ავტობიოგრაფიის კონკურსში კი გაიმარჯვა მოხუცმა ფრანგმა ქალბატონმა მოთხრობით: „ადრე მქონდა გლუვი კანი და დაჭმუჭნული ქვედაბოლო, ახლა კი პირიქით“.

ასევე ემოციური და მრავლისმთქმელია შემდეგი ერთწინადადებიანი მოთხრობებიც:

„ უცნობები. მეგობრები. საუკეთესო მეგობრები. საყვარლები. უცნობები.“

“ნომერი შეგეშალათ”, – უპასუხა ნაცნობმა ხმამ.“

„ მგზავრებო, ახლა თქვენ კაპიტანი არ გელაპარაკებათ.“

„ ვყიდი პარაშუტს: არასოდეს გახსნილა, ცოტა დალაქავებულია.“

„ ეს ჩვენი ოქროს ქორწილია. სუფრა ერთზეა.“

„ სახლში ვარდები მივიტანე. გასაღები აღარ მოერგო.“

„დამტვრეულ საქარე მინაზე ეწერა “ახალდაქორწინებულები”.“

„ ჩვენი საძინებელი. ორი ადამიანის ხმა. ვაკაკუნებ.“

„ გადავხტი. მერე კი გადავიფიქრე.“

„ ბოდიში, ჯარისკაცო, ფეხსაცმელი მხოლოდ წყვილად იყიდება.“

„ საწოვარიანი ბოთლით აჭმევს საკუთარი ცოლი მკვლელს.“