16 წლის ფეხმძიმე გოგონა დაკრძალვიდან მეორე დღეს გონს მოვიდა (ვიდეო)

მსოფლიო - 11:54, 26 Aug, 2015

58205

ჰონდურასში, 16 წლის ფეხმძიმე ნეისი პერეზი დაკრძალვიდან მეორე დღეს გონს მოვიდა. თუმცა, The Telegraph-ის ინფორმაციით, გოგონა საფლავიდან ამოყვანის შემდეგ, საავადმყოფოს გზაზე გარდაიცვალა. როგორც გაირკვა, სამი თვის ფეხმძიმე გოგონამ გონება მაშინ დაკარგა, როდესაც საკუთარ სახლში მარტო მყოფმა სროლის ხმა გაიგო. მშობლებმა გონდაკარგული და დუჟმორეული პერესის პოვნისას გადაწყვიტეს, რომ ის ბოროტმა სულებმა შეიპყრეს და ადგილობრივი მღვდელი მოიყვანეს. ეგზორციზმის შესრულებისას გოგოანამ სუნთქვა შეწყვიტა, რის შემდეგაც საავადმყოფოში გადაიყვანეს, სადაც ექიმებმა მისი გარდაცვალება დაადასტურეს.

ვინაიდა, 16 წლის გოგონამ გარდაცვალებამდე რამდენიმე თვით ადრე იქორწინა, საქორწილო კაბით დაკრძალეს. დაკრძალვიდან მეორე დღეს, საფლავზე მისულ პერეზის მეუღლეს ყვილის ხმები შემოესმა, რომელიც აშკარად საფლავიდან მოდიოდა. მამაკცმა დასახმარებლად ნათესავებს მოუხმო, რომლებმაც კუბოს გახსნისას აღმოაჩინეს, რომ გოგონა ცოცხალი იყო და საავადმყოფოში გადაიყვანეს. თუმცა, გზაში მან გონება დაკარგა და ექიმებმა მისი გარადჩენა ვეღარ შეძლეს. საავადმყოფოს ადმინისტრაციის განცხადებით, გოგონა ნამდვილად ცოცხალი იყო, რაზეც მისი სხეულის ტემპერატურა მეტყველებდა, თუმცა გონზე მოსვლის შემდეგ განცდილმა შიშმა, გულის გაჩერება და მისი გარდაცვალება გამოიწვია.