აღნიშნულ პროცესზე ბაჩანა ახალაიასთან ერთად გიორგი კალანდაძის, ალექსანდრე გორგაძის, ზურაბ შამათავას, მერაბ კიკაბიძის, მანუჩარ დარასელიასა და გიორგი კინწურაშვილის საქმეები განიხილება, თუმცა მათგან დარასელია და კინწურაშვილი მიმალვაში არიან და პროცესს არ ესწრებიან.

მოსამართლემ ბრალდებულებს განუმარტა ნაფიც მსაჯულთა სასამართლოს შესახებ და აღნიშნა, რომ ბრალდებულების თანხმობის შემთხვევაში საქმე განსახილველად სწორედ მათ გადაეცემოდათ, თუმცა ყველა ბრალდებულმა განაცხადა, რომ ისინი თანახმა არ არიან.

დღევანდელ სხდომაზე პროკურორები არ დასთანხმდნენ შუამდგომლობას ბრალდებულების მიმართ სისხლის სამართლებრივი დევნის შეწყვეტის თაობაზე.
პროკურორის მხრიდან ამ პოზიციის დაფიქსირების შემდეგ სიტყვა ახალაიამ ითხოვა და განაცხადა, რომ პროკურორები საქმის აზრზე არ იყვნენ. მისი თქმით, გორგაძე იყო კონტაქტით აყვანილი და მასზე ვრცელდებოდა არა კანონი საჯარო სამსახურის შესახებ, არამედ მის უფლებამოვალეობებს არეგულირებდა სამხედრო სამსახურის გავლის კურსის შესახებ კანონი.

ამ წუთებში მოსამართლე დაცვის მხარის შუამდგომლობებზე გადაწყვეტილების მისაღებად სათათბირო ოთახშია გასული.