იოსებ სტალინი - დიქტატორი და სამხედრო დამნაშავე. მისი თაყვანისმცემლები სტალინის საფლავთან იკრიბებიან, რომელიც კრემლის კედელთანაა. დღეისთვის რუსეთის მრავალი მოქალაქე საბჭოთა კავშირის ლიდერს სახალხო გმირად მიიჩნევს. სტალინის სახელმა ნამდვილი რენესანსი განიცადა. იგი რუსეთის საზოგადოებრივი ცხოვრების ნაწილია. მისი ფიგურის "მატრიოშკები" ელვის სისწრაფით იყიდება.

სტალინის ტერორი 30 წლის მანძილზე გრძელდებოდა. მათი ხვედრი, ვინც ოპონირებას უწევდა, გულაგში გადასახლება ან დახვრეტა იყო. რეპრესიებმა მილიონობით ადამიანი იმსხვერპლა.

სტალინის "ორეულის" თქმით: "ამჟამად ძალადობაზე არავინ ლაპარაკობს."
ანატოლი ტოკარი, სტალინის ორეული: "საზოგადოების დიდი ნაწილი მხოლოდ სტალინის დამსახურებებს იხსენებს. მაშინ სიმშვიდე და დისციპლინა სუფევდა. პატივს სცემდნენ კანონს, ქვეყანა კი ძლევამოსილი იყო, დღეს ხალხს ეს ყოველივე ენატრება!"

აუცილებელია აღინიშნოს, რომ რუსეთის მოსახლეობის დიდი ნაწილისთვის დემოკრატია სულაც არაა სათვალავში ჩასაგდები. როგორც ჩანს, მათ სჭირდებათ ის, ვინც რუსეთს მსოფლიო იმპერიის სტატუსს დაუბრუნებს და მათთვის მნიშვნელობა არ აქვს, რის ფასად მოხდება ეს.

მოამზადა ანანო კვაჭანტირაძემ