„სი თი პარკის“ თანამშრომლებს 7-დან 10 წლამდე თავისუფლების აღკვეთა ემუქრებათ

სამართალი - 12:10, 24 Aug, 2015

4786

„სი თი პარკის“ სამ დაკავებულ თანამშრომელს ბრალს დღეს წაუყენებენ. გამოძიება წინასწარი შეთანხმებით ჯგუფის მიერ არასრულწლოვნის მიმართ თავისუფლების უკანონო აღკვეთის ფაქტზე 143-ე მუხლის მე-3 ნაწილი მიმდინარეობს, რაც 7-დან 10 წლამდე თავისუფლების აღკვეთას გულისხმობს.

ბრალის ფორმულირებას არ ეთანხმება დაცვის მხარე, როგორც ბრალდებულების ადვოკატი იოსებ ხარატიშვილი აცხადებს ის დარწმუნებულია , რომ პროკურატურა დანაშაულის დამტკიცებას ვერ შეძლებს.

„დანაშაულის არანაირი ნიშნები არაა, მათ არ იცოდნენ, არც დაუნახავთ, რომ ავტომობილის შიგნით იყო ბავშვი, აბსოლუტურად კანონიერად ჩაატარეს თავიანთი მოქმედება, მანქანა იყო დაბურული მინებით, ამიტომ ისინი ბავშვს ვერ დაინახავდნენ."- განაცხადა ხარატიშვილმა.

შემთხვევა, რის გამოც ისინი დააკავეს, ორი დღის წინ მოხდა. "სი თი პარკის" თანამშრომლებმა აგლაძის ქუჩიდან პარკირების წესების დარღვევით მდგარი ტოიოტას მარკის ავტომობილი საჯარიმოზე გადაიტანეს. ავტოსადგომზე მისვლის შემდეგ კი შენიშნეს, რომ მანქანაში მძინარე არასრულწლოვანი იყო.

კომპანიის წარმომადგენლების თქმით, მომხდარი მათ საპატრულო პოლიციას თავად შეატყობინეს.