გუშინ, ღამის 3 საათზე, ქსნის N15 დაწესებულებიდან პატიმრები "გურია ნიუსს" დაუკავშირდნენ და განაცხადეს, რომ სამეურნეო ნაწილის პატიმრებმა ბლაგვი საგნით სხეულზე თვითდაზიანებები მიიყენეს.

ამავდროულად, პატიმრების მიერ მიწოდებული ინფორმაციის თანახმად, თვითდაზიანების მიყენების შემდეგ, სასჯელაღსრულებით დაწესებულებაში ორი ადამიანი შევიდა, რომლებმაც თავი მონიტორინგის ჯგუფის წარმომადგენლებად დაასახელეს, მაგრამ პატიმრები ამ ადამიანებს უხეშ მოპყრობაში დებენ ბრალს: მათ სასჯელეღსრულების დეპარტამენტის ხელმძღვანელი პირების მაია ხასიას და ლალი მოროშკინას ციხეში მოსვლა თხოვეს, რაზეც უხამსი პასუხი მიიღეს.

ამასთან, პატიმრები ციხეში ჟურნალისტების შესვლას და შექმნილი ვითარების ადგილზე შეფასებას მოითხოვენ.
პატიმრების განცხადებით, ისინი ქსნის №15 ციხეში ყოფილი დირექტორის, ნუკრი ხუხუას გათავისუფლებას აპროტესტებენ.