შონ პენმა შარლიზ ტერონთან განშორების შემდეგ ახალი რჩეული იპოვნა

ეს საინტერესოა - 22:28, 21 Aug, 2015

3815

40 წლის შარლიზ ტერონთან განშორების შემდეგ 54 წლის შონ პენს უკვე ახალი რჩეული ჰყავს.

შარლიზ ტერონმა შონ პენთან გაშორების გადაწყვეტილება კანის ფესტივალის შემდეგ მიიღო. იმავე თვეში მედიამ უკვე წერა დაიწყო იმის შესახებ, რომ პენმა რომანი 35 წლის ამერიკელ მსახიობთან, მინკა კელისთან გააჩაღა, აგვისტოს თვეში კი წერდნენ რომ შონ პენი კანადელ მსახიობ 39 წლის ემანუელ ვოჟიეს ხვდება.

მედია თვითმხილველებზე დაყრდნობით წერდა, რომ ემანუელმა და შონ პენმა დასავლეთ ჰოლივუდში მდებარე რესტორან ”მადეო”-ში რომანტიულ გარემოში ივახშმეს. შონ პენი მთელი საღამო საუბრობდა და ხუმრობდა, ემანუელი კი მის ხუმრობებზე გულიანად იცინოდა.

ამ ინფორმაციის პარალელურად პრესაში გაჩნდა ინფორმაცია, რომ შარლიზ ტერონი ყოფილ საქმროს სასამართლოში უჩივის და მას ფიზიკურ ძალადობაში ადანაშაულებს. შონ პენთან განშორების ინიციატორი სწორედ შარლიზ ტერონი იყო და იმის გათვალისწინებით, რომ პრესაში არაერთხელ ყოფილა საუბარი პარტნიორი ქალების მიმართ შონ პენის აგრესიულ დამოკიდებულებასთან დაკავშირებით, შესაძლოა ჰოლივუდელი წყვილის განშორების მიზეზი მართლაც ოჯახური ძალადობა გახდა.

გახდება თუ არა შონ პენის და კანადელი მსახიობის რომანტიულ ვახშამი ახალი ურთიერთობის დასაწყისი ჯერ უცნობია, თუმცა ბოლო რამდენიმე წლის განმავლობაში შონ პენთან რომანტიულად დაწყებული ურთიერთობის მშვიდობიანად გაგრძელება ვერ შეძლეს ისეთმა ცნობილმა ლამაზმანებმა, როგორიც სკარლეტ იოჰანსონი და შარლიზ ტერონი არიან.