"ნიუპოსტი" სრული პასუხისმგებლობით აცხადებს, რომ სოფელ ფერსათში აღნიშნული ფაქტი ნამდვილად მოხდა და მკვლელობაში ეჭვმიტანილი ნამდვილად არის ამნისტირებული პირი - ყოფილი პატიმარი, რომელიც მანამდე იმავე მამაკაცის დაჭრის გამო იხდიდა სასჯელს.

ამავე დროს, იქედან გამომდინარე, რომ ტრაგედიის პრეისტორია დელიკატურ დეტალებს შეიცავს, "ნიუპოსტი" იმავე პოზიციაზე რჩება და არ ასახელებს მკვლელობაში ეჭვმიტანილისა და მსხვერპლის ვინაობას. დამატებით გაცნობებთ, რომ გადამოწმებული ინფორმაციით, მკვლელობაში ეჭვმიტანილმა ოჯახის წევრის გამო იძია შური, ხოლო მოკლულს ფერსეთში ხვალ დაკრძალავენ.

"ნიუპოსტი" უახლოეს დღეებში ამ ფაქტთან დაკავშირებით ვრცელ მასალასაც შემოგთავაზებთ.