აკრძალული მედიკამენტები - სასაზღვრო გამშვებ პუნქტებზე

სამართალი - 12:40, 19 Aug, 2015

1919

საბაჟო გამშვებ პუნქტზე „ქუთაისის აეროპორტი“ სამსახურის თანამშრომლებმა 732 აბი ნარკოტიკული ნივთიერების შემცველი მედიკამენტი SOLPADEINE (კოდეინის შემცველობით)აღმოაჩინეს .აკრძალული მედიკამენტი სომხეთის მოქალაქე ი.დ.-ის კუთვნილი ბარგის სკანერით დათვალიერების შედეგად იქნა აღმოჩენილი.საქმე შემდგომი რეაგირებისთვის გადაეცა საპატრულო პოლიციის დეპარტამენტის იმერეთის მთავარ სამმართველოს.

18 აგვისტოს, სგპ „ვალეს“ ტერიტორიაზე თურქეთის მხრიდან შემოვიდა თურქეთის მოქალაქე დ.ი., რომლის კუთვნილი ავტომობილის დათვალიერებისას მებაჟე ოფიცრებმა აღმოაჩინეს20 აბი APRANAX PLUS, რომელიც შეიცავს ნარკოტიკულ ნივთიერება კოდეინს, და 70 აბი XANAX, რომელიც შეიცავს ფსიქოტროპულ ნივთიერება ალპრაზოლამს.საქმის მასალები შემდგომი რეაგირებისთვის გადაეცა შსს სამცხე-ჯავახეთის სამხარეო სამმართველოს.

12 აგვისტოს სგპ „სადახლო საავტომობილოს“ ტერიტორიაზე სომხეთის მხრიდან შემოვიდა საქართველოს მოქალაქე ი. მ., რომლის კუთვნილი ხელბარგისეჭვის საფუძველზე დათვალიერების შედეგად აღმოჩენილ იქნა ფსიქოტროპული ნივთიერების შემცველი მედიკამენტი Lyrika- 110 აბი.საქმე შემდგომი რეაგირების მიზნით გადაეცა შსს საგამოძიებო ორგანოს.