რუსეთის საგარეო საქმეთა მინისტრის სერგეი ლავროვის განცხადებით ის დონბასში სიტუაციის დაძაბვის გამო შეშფოთებულია . რუსეთის საგარეო უწყების ხელმძღვანელმა ”ბოევიკებსა” და უკრაინელ მებრძოლებს შორის არსებულ გამყოფ ხაზს ფრონტი უწოდა. აღნიშნული განცხადება ლავროვმა ირანელ კოლეგასთან შეხვედრის დროს გააკეთა.

”ჩვენ ძალიან შეშფოთებულნი ვართ... ჩვენ გვაშფოთებს ფრონტზე არსებული სიტუაცია, უკვე შეიძლება ითქვას არა გამყოფი ხაზი, არამედ ფრონტი. ბოლო დღეებში განვითარებული მოვლენები საგანგაშოა და ის მაგონებს საბრძოლო მოქმედებებისთვის მზადებას”- განაცხადა ლავროვმა და უკრაინას მინკის შეთანხმების შესრულებისკენ მოუწოდა. ”აღარ არის საჭირო ექსპერიმენტები და ბედის გამოცდა”- აღნიშნა ლავროვმა.