თბილისის მერიის თასის ფინალურ მატჩში საქართველოს საკალათბურთო ნაკრები იტალიასთან დამარცხდა. გადამწყვეტ შეხვედრაში საბოლოო ანგარიში 67:87 დაფიქსირდა. ტურნირში სულ 4 გუნდი მონაწილეობდა - საქართველო, ლატვია, იტალია და ესტონეთი. გუნდები მომავალ ევროპის ჩემპიონატზე მიიღებენ მონაწილეობას.

ფინალამდე ქართველმა კალათბურთელებმა ლატვიის და ესტონეთის ნაკრებები დაამარცხეს.

თბილისის მერიის თასის წლევანდელი გათამაშების საუკეთესო მოთამაშის პრიზი იტალიის ნაკრების ფორვარდს დანილო გალინარის გადაეცა.

საქართველოს ნაკრები თბილისში ორი დღით დარჩება, შემდეგ კი საფრანგეთის საერთაშორისო ტურნირში ითამაშებს, რის შემდეგაც იტალიაში გადაინაცვლებს და კიდევ ერთ ოთხთა ტურნირში მიიღებს მონაწილეობას.