მამამ მცირეწლოვანი შვილები დახოცა და თავიც მოიკლა- მიზეზი სასამართლო გადაწყვეტილება გახდა

მსოფლიო - 19:18, 15 Aug, 2015

9073

საფრანგეთი შვეიცარიის საზღვართან, ფრანშ-კონტის რეგიონში სამართალდამცავებმა 3 გვამი აღმოაჩინეს. 150 მეტრის სიღრმის ხევში ნაპოვნი ცხედრები ოჯახის წევრებს ეკუთვნოდა -45 წლის მამა და მისი 2 წლის ვაჟი და 3 წლის გოგონა. როგორც გაირკვა მამამ ჯერ საკუთარი შვილები გადააგდო უფსკრულში შემდეგ კი თვითონაც გადახტა, მანამდე კი ახლობელს დაურეკა და შეატყობინა, რომ ამ ქმედების ჩადენას აპირებდა და ადგილიც მიუთითა სადაც ის უნდა ეძებნათ. ახლობელმა პოლიციას შეატყობინა, თუმცა სამართალდამცავების მისვლის მომენტში ისინი უკვე გარდაცვლილები იყვნენ.

საგამოძიებო სამუშაოების დროს ოჯახის წევრების ცხედრებტან ახლოს მეოთხე ცხედარიც აღმოჩნდა, თავიდან გაჩნდა მოსაზრება , რომ 45 წლის ქალის ცხედარი ბავშვების დედას ეკუთვნოდა, თუმცა ძიების შედეგად დადგინდა რომ საქმე ქონდათ ამ ფაქტისგან დამოუკიდებელ სუიციდთან.

პოლიციამ შემთხვევის ადგილის მიმდებარედ მამაკაცის ავტომობილსაც მიაგნო, სადაც წერილი იპოვეს, რომელშიც ის თავისი გადაწყვეტილების მიზეზს ხსნიდა: მამაკაცის თქმით გაყრის შემდეგ სასამართლომ მას ბავშვების მეურვეობა არ მიანიჭა და ბავშვებთან ერთად სიკვდილის გადაწყვეტილებაც ამიტომ მიიღო.

ბავშვების დედას შოკიდან გამოსასვლელად ფსიქოლოგები ეხმარებიან.