ექსპრემიერის ზურაბ ჟვანიას ძმა გოგლა ჟვანია ბრალდებულების, კობა ხაშილაძის და მიხეილ ძაძამიას მიმართ გამამტყუნებელი განაჩენის გამოტანას ლოგიკურს უწოდებს.

როგორც მან საქალაქო სასამართლოში განაცხადა, ვერდიქტი მისთვის მოულოდნელი არ ყოფილა.

„ველოდი ამ ვერდიქტს. ზურას სიკვდილის დამდგენი გარემოებების საქმე ძიებაშია. მართალია, დაცვამ ყველანაირად სცადა აქეთკენ გადაეტანა აქცენტები, რეალურად ეს იყო მხოლოდ ამ ადამიანების მიერ გამოჩენილი გულგრილობის შესახებ აღძრული სისხლის სამართლის საქმე. რაც შეეხება ზურაბ ჟვანიას გარდაცვალების საქმეზე პროკურატურაში მიმდინარე გამოძიებას,"იმედი მაქვს, სერიოზული სიახლეები იქნება მთავარ საქმეში", - განაცხადა გოგლა ჟვანიამ.

10 ხმა 2-ის წინააღმდეგ - ნაფიცმა მსაჯულებმა კობა ხარშილაძისა და მიხეილ ძაძამიას მიმართ გამამტყუნებელი განაჩენი გამოიტანეს.