თურქეთის პროკურატურის ყოფილი თანამშრომლები, რომლებსაც თურქი სამართალდამცავები უკანონო ორგანიზაციის შექმნაში ადანაშაულებენ, სომხეთში საქართველოს გავლით გაიქცნენ. ამის შესახებ ინფორმაციას თურქული მედია ავრცელებს.

ყოფილმა პროკურორებმა ზაქარია ოზიმ და ჯელალ კარამ თურქეთი სარფის სასაზღვრო პუნქტის გავლით დატოვეს. ართვინის პროვინციის გუბერნატორის ქემალ ჯირიტის გამცხადებით, ამ მომენტისთვის ხდება იმის შესწავლა თუ როგორ შეძლო ორმა ეჭვმიტანილმა ქვეყნის დატოვება.

ყოფილ პროკურორებს ბრალი ედებათ უკანონო ორგანიზაციის შექმნაში, რომლის მიზანიც ქვეყნის ხელისუფლების ძალადობრივი გზით დამხობა იყო.

როგორც თურქული მედია იტყობინება, სომხური მხარე ძებნილი პროკურორების მათ ქვეყანაში ყოფნას არ ადასტურებს.