2016 წლისთვის ნავთობის ფასი ბარელზე 10$ მდე დაიწევს- ირანის ნავთობი მსოფლიო ბაზარზე

მსოფლიო - 19:16, 11 Aug, 2015

5664

ბირთვული შეთანხმების მიღწევის შემდეგ ირანისთვის საერტაშორისო სანქციების მოხსნა 2016 წლისთვის ნავთობის ფასს ბარელზე 10$ მდე დაწევს, ხოლო ირანის მთლიანი შიდა პროდუქტის ზრდის მაჩვენებელი კი 5% მდე აიწევს, ასეთ პროგნოზებია გამოთქმული მსოფლიო ბანკი ანგარიშში სახელწოდებით „ ირანისთვის სამქციების მოხსნის ეკონომიკური შედეგები“. დოკუმენტში აღნიშნულია, რომ ირანში ნავთობის წარმოება, მნიშვნელოვნად აჭარბებს შიდა მოხმარებას, ამიტომ მისი მსოფლიო ბაზარზე გამოსვლა გარდაუვალია.

ფინანსური ინსტიტუტის მთავარი ეკონომისტის შანტა დევერაიანის შეფასებით, იაფი ნავთობით პირველ რიგში ნავთობპროდუქტების იმპორტიორები ისარგებლებენ. ამერიკის ეკონომიკა დამატებით 74 მილიარდ დოლარს მიიღებს, ევროკავშირი 37 მილიარდს. აღნიშნული პროცესებით წაგებაში ნახავენ სპარსეთის ყურის ქვეყნები, რუსეთი და ნავთობის ექსპორტიორი ქვეყნების ორგანიზაციის OPEC-ის წევრები.

მოსალოდნელია რომ მნიშვნელოვნად გაიზრდება ირანის საგარეო ვაჭრობაში ისეთი ქვეყნების როლი როგორიცაა დიდი ბრიტანეთი, ჩინეთი, ინდოეთი, თურქეთი და საუდის არაბეთი. ექსპერტები ირანში უცხოური ინვესტიციის გაორმაგებასაც ელოდებიან.