ფონიჭალაში სპეცოპერაცია ნარკოდანაშაულის გამოვლენის მიზნით ჩატარდა. როგორც „ნიუპოსტს“ შსს-ს პრესსამსახურში განუცხადეს, სპეცოპერაციის დროს დაიჭრა ცენტრალური კრიმინალური პოლიციის სამმართველოს ორი თანამშრომელი. მათ ჭრილობა ცივი იარაღით აქვთ მიყენებული.

ორივე სამართალდამცველი სამედიცინო დაწესებულებაში იქნა გადაყვანილი. ერთ-ერთმა საავადმყოფო უკვე დატოვა. მეორე დაჭრილს კი ოპერაცია ჩაუტარდა. ის ამ დრომდე კლინიკაში რჩება. ამ ეტაპზე მიმდინარებს სამძებრო სამუშაოები იმ პირის დასაკავებლად, ვინც პოლიციელები დაჭრა.

შეგახსენებთ, ფონიჭალაში ცოტა ხნის წინ სამართალდამცველებმა აყვანის ოპერაცია ჩაატარეს, რასაც ადგილობრივებსა და პოლიციას შორის დაპირისპირება მოჰყვა. არსებული ინფორმაციით, დაკავებულია 19 წლის ახალგაზრდა მამაკაცი.