ექსპერტ-ქიმიკოსის, ლია კაცოშვილის განცხადებით ე.წ. „კორტების სპეცოპერაციის“ საქმეზე მის მიერ გაცემულ იქნა ორი დასკვნა. ექსპერტმა ორივე დასკვნის ნამდვილობა სასამართლოზე დაადასტურა.

„პირველი კვლევა ჩატარდა ზურაბ ვაზაგაშვილის, ალექსანდრე ხუბულოვისა და ბონდო ფუთურიძის მარცხენა და მარჯვენა ხელის ანაწმენდებზე. კვლევის შედეგად გამოსაკვლელი ობიექტების, ზურაბ ვაზაგაშვილის მარცხენა ხელის, ალექსანდრე ხუბულოვის მარჯვენა და მარცხენა ხელის და ბონდო ფუთურიძის მარცხენა ხელის ანაწმენდებზე, დაფიქსირდა დენთის კვალი. მეორე დასკვნა, რომელიც გაცემულია ჩემს მიერ შეეხებოდა ავტომანქანიდან აღებულ ანაწმენდებს. ეს იყო: წინა მარჯვენა მხრიდან, უკანა მარცხენა მხრიდან, უკანა მარცხენა კარიდან, მარჯვენა წინა სავარძლის საზურგის უკანა მხრიდან და უკანა სავარძლის საზურგის ზედა ნაწილიდან. დადგინდა რომ მარჯვენა წინა სავარძლის საზურგის უკანა მხარეს აღინიშნებოდა დენთის კვალი“, - განაცხადა ექსპერტ-ქიმიკოსმა ლია კაცოშვილმა.