ე.წ. „კორტების სპეცოპერაციის“ საქმეზე დღეს ბრალდების მოწმეები დაიკთხნენ, ამათგან ორი ექპერტი, ერთი საჯარიმო ავტოსადგომის მძღოლი და ერთი აწ გარდაცვლილი პოლიციელის ძმა.

„როგორც სასამართლოზე ექპერტ-ქიმიკოსის ლია კაცოშვილის ჩვენებით დადასტურდა, ზურაბ ვაზაგაშვილს, ბონდო ფუთურიძესა და ალექსანდრე ხუბულოვს დენთის კვალი აღმოაჩნდათ. ექსპერტმა ამ დასკვნის ნამდვილობა სასამართლოში დაადასტურა და ასევე განაცხადა, რომ დენთის კვალი აღმოჩენილი იქნა მარჯვენა წინა სავარძლის საზურგის უკანა მხარეს. ექსპერტმა ამ დასკვნის ნამდვილობაც დაადასტურა. რაც შეეხება დანარჩენს, რაზეც მან ისაუბრა, იყო მხოლოდ მისი ვარაუდი. ასევე დაადასტურა მის მიერ გაცემული დასკვნის ნამდვილობა ექპერტმა ინა თევზაიამ, რომელიც შეეხებოდა ავტომანქანიდან ამოღებულ მედიკამენტებს. მისი თქმით აღნიშნული მედიკამენტები ქარხნული წესით იყო დამზადებული და ნარკოტიკულ საშუალებებს არ წარმოადგენდა“ - განაცხადა დავით ხაჟალიამ.

დღევანდელ პროცესზე ასევე ასევე ავტოსადგომის მძღოლი ტარიელ გველესიანი.

„დღეს დაკითხულმა ტარიელ გველესიანმა, საჯარიმო ავტოსადგომის მძღოლმა, ხასგაზმმით აღნიშნა, რომ აქტში მან ავტომანქანის დაზიანებები დააფიქსირა, რომელიც ავტომანქანას შეჯახების შედეგად ჰქონდა მიღებული. რაც შეეხება ცეცხნასროლ დაზიანებებს გველესიანს მსგავსი აქტში არ დაუფიქსირებია და არც დააფიქსირებდა. პროკურატურის მოწმე ნოდარ ქელდიშვილი არ გახლავთ ფაქტის უაშუალო თვითმხილველი, მან ინფორმაცია მიიღო მისი აწ გარდაცვლილი ძმისაგან, თუმცა მათ საუბარს არავინ შესწრებია და ვერც ვერავინ დაადასტურებს. სასამართლო და მხარეები მოკლებულნი არიან გადაამაწმონ მისი ჩვენების ნამდვილობა, რის გამოც მივიჩნევ, რომ მისი ჩვენება გაზიარებული არ იქნება“ - აღნიშნა დაცვის ადვოკატმა დავით ხაჟალიამ.