ე.წ. კორტების სპეცოპერაციის საქმეზე სასამართლო სხდომის მიმდინარეობისას კრიმინალური პოლიციის დეპარტამენტის უფროსის ყოფილი მოადგილე ირაკლი ფირცხალავა დაინტერესდა, - აღიძრება თუ არა სისხლის სამართლის საქმე და ვის ევალება გამოძიების წარმოება იმ მოწმეთა წინააღმდეგ, რომლებმაც პროკურატურაში დაკითხის დროს სხვა გარემოებები აღწერეს, ხოლო სასამართლო სხდომაზე სხვა ფაქტოვბრივ გარემოებებზე ისაუბრეს.

ირაკლი ფირცხალავას აღნიშნულ კითხვაზე, განემარტა, რომ სასამართლო აფასებს მოწმეთა ჩვენებებს. ხოლო, რაც შეეხება განზრახ ცრუ ან ურთიერთგამომრიცხავ ჩვენებას, პროკურატურაა ერთადერთი ორგანო, რომელსაც აქვს უფლება აღძრას სისხლის სამართლის საქმე ცრუ ან უერთიერთგამომრიცხავ ჩვენებებზე.

საქალაქო სასამართლოში დღევანდელ პროცესზე ორი მოწმე დაიკითხა. მათ შორის იყო ე.წ. კორტების სპეცოპერაციის საქმის ყოფილი გამომძიებელი ზურა ქემაშვილი. მან დაადასტურა, რომ სპეცოპერაციის დროს საკონტროლო გასროლას ადგილი არ ჰქონია.