Elit Model Look Georgia 2015-ის გამარჯვებულის, 19 წლის თათია ახალაიას შესახებ ფართო საზოგადოებისთის რამდენიმე დღის წინ გახდა ცნობილი. თუმცა, მისმა ვიზუალურმა მონაცემებმა სოციალური ქსელები მალევე აალაპარაკა.

როგორც თათია ამბობს, ერთი წლის წინ მივიდა ია კინწმარიშვილთან სააგენტოში. გოგონას გარეგნობა შეუმჩნეველი უცხოურ სააგენტოებს არ დარჩენიათ. მისვლიდან ზუსტად ერთ თვეში პარიზიდან, Evidence Models Management-იდან მიწვევა მიიღო.

„მეც ჩავედი და სამი თვე ვიცხოვრე პარიზში. შემდეგ საქართველოში დავბრუნდი ერთი თვით, შემდეგ ისევ პარიზში წავედი, ამჯერად 2 თვით. მქონდა შეხვედრები ისეთი ბრენდების დიზაინერებთან, როგორებიცაა „ჟივენში“ და „ჰერმესი“, თუმცა ამ ყველაფერს მაინც ვერ აღვიქვამდი სერიოზულად. ალბათ იმიტომ, რომ ეს ჩემი პირველი მოგზაურობა იყო. შანსები სათანოდ ვერ შევაფასე, თანაც ძალიან გამიჭრდა იქ მარტო ყოფნა და წამოვედი“ - განუცხადა ახალბედა მოდელმა „ნიუპოსტს.“

მიუხედავად იმისა, რომ პარიზში დარჩენასა და რამდენიმე რესიოზულ კონტრაქტზე უარი თქვა, გადაღებები ჰქონდა ცნობილ ფოტოგრაფებთან, მათ შორის იყო ლაურენტ ჰუმბერტი (Laurent Humberti), რომელიც Vogue-ისა და Elle-ისთვის იღებს. გარდა ამისა, მუშაობდა სელინის ფიტ მოდელად. სწორედ, ფიტ მოდელზე იქნებდა და იკერება კოლექციები.

ქართველი საზოგადოებისთის არც თუ ისე ცნობილი მოდის ამომავალი ვარსკვლავი, მაღალი მოდის კვირეულისთის სულაც არ აღმოჩნდა უცხო. როგორც აღმოჩნდა, პარიზის მაღალი მოდის კვირეულზე მონაწილეობა მიიღო იულია სერგეენკოს ჩვენებასა და ვალენტინ იუდაშკინის შოურუმში. პარიზის შემდეგ იყო რომის მაღალი მოდის კვირეული, სადაც fashion week-ის განმავლობაში 4 ჩვენებაზე გამოვიდა.

„რომში, ერთ-ერთი ჩვენება მე გავხსენი და ეს საოცარი შეგრძნება იყო. არ ვარ ისეთი ტიპი მინდოდეს, რომ ბევრმა ხალხმა გაიგოს ჩემზე . თუმცა, „ელიტ მოდელ ლუქი“ არის კონკურსი, რომელმაც აღმოაჩინა ჟიზელი, ადრიანა ლიმა, სინდი კროუფორდი და კიდევ ძალიან ბევრი ვარსკვლავი. ამიტომ ვფიქრობ, ეს ჩემი შანსია“ - ამბობს თათია.

ქართველ ლამაზმანს მოდის ინდუსტრიში დიდ მომავალს უწინასწარმეტყველებენ. გოგონა ნოემბერში ჩინეთში გაემგზავრება, სადაც საერთაშორისო კონკურსში საქართველოს სახელით მიიღებს მონაწილეობას.