პოლიციამ 6 ბავშვის დანაწევრებული ცხედარი იპოვა - საზარელი მკვლელობა ნიჟნი ნოვგოროდში

მსოფლიო - 16:33, 04 Aug, 2015

7454

საზარელი მკველლობა მოხდა რუსეთის ქალაქ ნიჟნი ნოვგოროდში. სამართალდამცავებმა, 4 აგვისტოს, ერთერთ ბინაში, ექვსი, ექვს წლამდე ასაკის მცირეწლოვანი ბავშვის დანაწევრებული სხეული აღმოაჩინეს.
განგაში საბავშვო ბაღის აღმზრდელებმა ატეხეს, რადგან ბავშვები 25 ივლისის შემდეგ ბაღში არ გამოჩენილან და მათთან დაკავშირებაც ვერ შეძლეს.
მიღებული სიგნალის შემდეგ, სამართალდამცავები იმ საცხოვრებელ ბინაში მივიდნენ, სადაც ბავშვები მშობლებთან ერთად ცხოვრობდნენ. კარის შემტვრევის შემდეგ, სამართალდამცავებს საზარელი სურათი დახვდათ.
გამოძიება ბავშვების მშობლებს ეძებს. მეზობლების განცხადებით, უკანასკნელად ბავშვების მამა ოლეგ პ. 3 აგვისტოს ნახეს, როდესაც იგი სახლიდან გამოვიდა და გაურკვეველი მიმართულებით წავიდა. დედის ადგილსამყოფელი უცნობია, თუმცა, მედიაში გავრცელდა ინფორმაცია, რომ ერთერთი სხეული შესაძლოა ზრდასრული ქალის იყოს.
გვამებზე ექსპერტიზა ჯერ არ ჩატარებულა. ექსპერტიზის ჩატარების შემდეგ გაირკვევა არის თუ არა მოკლულთა შორის ბავშვების დედა. გამოძიებაში რუსეთის ფედერალური კრიმინალური სამსახურის წარმომადგენლებიც არიან ჩართული.