ავსტრალია - ტრიბუნალის შექმნაზე ვეტოს დადებით რუსეთმა აღიარა, რომ დამნაშავეა ბონიგის ჩამოგდებაში

მსოფლიო - 12:41, 02 Aug, 2015

1602

ავსტარლიის ხელისუფლების განცხადებით, ისინი ყველაფერს გააკეთებენ, რომ აღმოსავლეთ უკრაინის ტერიტორიაზე მალაიზიური ბოინგის ჩამოგდებაში დამნაშავე პირები აუციებლად წარსდგნენ საერთაშორისო ტრიბუნალის წინაშე.
ავსტრალიის მთავრობა აცხადებს, რომ რუსეთის მიერ გაეროს უშიშროების საბჭოზე სპეციალური ტრიბუნალის შექმნის რეზოლუციაზე ვეტოს დადების ფაქტი ადასტურებს, რომ რუსეთის ხელისუფლება თავადაც დამნაშავეა ამ საქმეში.

შეგახსენებთ, რუსეთმა, უკრაინაში ჩამოგდებული მალაიზიური ავიალაინერის საქმეზე, გაეროს უშიშროების საბჭოს რეზოლუციაზე საერთაშორისო ტრიბუნალის შექმნას ვეტო დაადო. გაქნხილვაზე, ვიტალი ჩურკინმა ეჭვქვეშ დააყენა ტრიბუნალის მიუკერძოებელი მუშაობა.

რეზოლუცია მალაიზიური მხარის მიერ იყო ინიცირებული. რამდენიმე დღის წინ, ავსტრალიამ, ბელგიამ, ნიდერლანდებმა და უკრაინამ გაეროს უშიშროების საბჭოს საერთაშორისო ტრიბუნალის მოწვევის ინიციატივით მიმართეს, რათა ინციდენტთან დაკავშირებული ყველა პირი პასუხისგებაში მიეცეს. ინიციატივას მხარი დიდმა ბრიტანეთმაც დაუჭირა.

აღსანიშნავია, რომ კენჭისყრაზე უშიშროების საბჭოს წევრი 15 ქვეყნიდან გამოძიების ჩატარებას მხარი 11-მა დაუჭირა. სხდომას არ დასწრებიან ჩინეთის, ანგოლისა და ვენესუელის წარმომადგენლები.

შეგახსენებთ, ავიაკომპანია Malaysia Airlines-ის კუთვნილი თვითმფრინავი 2014 წლის 17 ივლისს უკრაინის ტერიტორიაზე ამბოხებულების მიერ კონტროლირებადი ტერიტორიიდან ჩამოაგდეს, რის შედეგად 298 ადამიანი, მათ შორის 18 ბავშვი გარდაიცვალა. პრორუსული რეპარატისტები კი ავიაკატასტროფაში კიევს ადანაშაულებენ.