საფრანგეთსა და რუსეთს შორის მისტრალების სანაცვალოდ თანხის გადაცემის ხელშეკრულებას ხელი უახლოეს მომავალში მოეწერება. ამის შესახებ ვლადიმერ პუტინის თანაშემწემ სამხედრო-ტექნიკურ სფეროში, ვლადიმე რკოჟინმა განაცხადა.

"კომერსანტის" ინფორმაციით, მისტრალების სანაცვლოდ პარიზი მოსკოვს 1.2 მილიარდ ევროს გადაუხდის.

ორი „მისტრალის“ გადაცემასთან დაკავშირებული კონტრაქტი რუსეთსა და საფრანგეთს შორის 2011 წელს გაფორმდა. პირველი ხომალდის გადაცემა 2014 წელს იგეგმებოდა.

როგორც ცნობილია, საფრანგეთმა რუსეთისათვის ორი ვერტმფრენთმზიდი ხომალდის, "მისტრალების" გადაცემის საკითხი უკრაინის კრიზისის გამო შეაჩერა. საპასუხოდ, რუსეთმა მოითხოვა, რომ ფრანგულ მხარეს ან გადაეცა ავიამზიდები, ან შემკვეთისთვის კომპენსაცია გადაეხადა.