იური ვაზაგაშვილის დის, მანანა ვაზაგაშვილის თქმით, სოსანაშვილის ადვოკატი ცდილობს, რომ გამორიცხოს მკვლელობის დამამძიმებელი გარემოება.

როგორც საქალაქო სასამართლოში გამართული პროცსის შემდეგ მან განაცხადა, ის სოსანაშვილის ბრალეულობაში დარწმუნებულია.

„საბედისწერო დღეს იქ ვიმყოფებოდი. რა შემზარავ ფაქტებს ვუყურე. ის მოვყევი, თუ როგორ ცურავდა ჩემი ძმა სისხლში. ჯოგლიძე ცდილობს, ყველანაირად გამორიცხოს დამამძიმებელი გარემოება. ჯოგლიძე სოსანაშვილს კი არ იცავს, არამედ ის იცავს შემკვეთებს. სოსანაშვილი მაგის გამკეთებელი რომაა, კარგად იცის. საკუთარ სოფელში არ დადიოდა გასვენებებში სოსანაშვილი და რა უნდოდა ჩვენს სოფელში. ძმას არანაირი მტერი არ ყავდა და მისი ძმის მტრები იყვნენ ზურა ვაზაგაშვილის მკვლელები“, - განაცხადა მანანა ვაზაგაშვილმა.