მიშეილ პლატინის წერილი ზვიად სიჭინავას და რევაზ არველაძეს

სპორტი - 19:00, 29 Jul, 2015

10963

,,ბატონო სიჭინავა, ჩემო მეგობარო და ბატონო არველაძე, ჩემო მეგობარო რევაზ“- ამ სიტყვებით იწყება მიშელ პლატინის მიერ საქართველოს ფეხბურთის ფედერაციის პრეზიდენტის და აღმასრულებელი მდივნის სახელზე გამოგზავნილი წერილი, სადაც პლატინი მის მიერ ,,FIFA“-ს პრეზიდენტობაზე საკუთარი კანდიდატურის დაყენებას ამცნობს და ხაზს უსვამს, რომ მას სურს ამის შესახენ პირველებმა სწორედ საქართველოს ფეხბურთის ფედერაციის ხელმძღვანელებმა გაიგონ.

მიშელ პლატინი მის გადაწყვეტილებას განმარტავს და წერს, რომ მისი ცხოვრების უკვე 50 წელი სწორედ ფეხბურთზეა დამოკიდებული და საფეხბურთო ცხოვრების ბოლო მოვლენებმა აიძულა ახალი ფურცელი გადაეშალა მსოფლიო ფეხბურთის მმარვთელ ორგანოში და მისი მართვის პრინციპები გადაეფასებინა.

მიშელ პლატინი იმედს გამოთქვამს, რომ საქართველოს ფეხბურთის ფედერაცია მას მხარდაჭერას გამოუხატავს.

,,მე მივიღე ძალიან ღრმა პირადი და კარგად გააზრებული გადაწყვეტილება კარგად ავწონე ფეხბურთისა და საკუთარი მომავალი. რა თქმა უნდა, ამ დროს მე ვხელმძღვანელობდი თქვენი მხარდაჭერით იმ პატივისცემით და თანხმობით, რომელსაც ბევრი თქვენგანი მე მაგრძნობინებდა“ - წერს მიშელ პლატინი.

როგორც ,,ნიუპოსტს“ ფეხბურთის ფედერაციაში განუცხადეს, ფედერაციამ უკვე გაუგზავნა საპასუხო წერილი და მიშელ პლატინის სრული მხარდაჭერა აღუთქვა.