საოკუპაციო რეჟიმმა ხურვალეთიდან გატაცებული მამაკაცი გაათავისუფლა. 48 წლის დავით ხუროშვილის გასათავისუფლებლად მისმა ოჯახმა ოსურ მხარეს ე.წ. საზღვრის უკანონოდ გადაკვეთისთვის საჯარიმო თანხა გადასცა.

ხუროშვილი ქართულ მხარეს გუშინ საღამოს გადმოსცეს. მას ქართველი სამართალდამცველები შიდა ქართლის სამხარეო პოლიციაში ჰკითხავდნენ. გათავისუფლებულის თქმით, მასზე ფიზიკურ შეურაცხყოფას ცხინვალის იზოლატორში ადგილი არ ჰქონია. დავით ხუროშვილი საოკუპაციო რეჟიმის წარმომადგენლებმა საკუთარი ბაღიდან გასულ კვირას გაიტაცეს, მის გასათავისუფლებლად ოსურ მხარესთან მოლაპარაკებებს შსს საინფორმაციო ანალიტიკური დეპარტამენტი აწარმოებდა.