ე.წ. კორტების სპეცოპერაციის საქმეზე დაკავებული ირაკლი ფირცხალავა დღეს ე.წ. მატროსოვის ციხიდან გლდანის მერვე დაწესებულებაში გადაიყვანეს.

ამის შესახებ ოჯახისთვის მას შემდეგ გახდა ცნობილი, რაც ისინი სასჯელაღსრულების მეცხრე დაწესებულებაში ფირცხალავასთან პირადი ნივთების მისატანად მივიდნენ.

ამ წუთებში ოაჯხის წევრები ადვოკატებთან გლდანის ციხისკენ მიემართებიან.

ადვოკატი მოგვიანებით დაადგენს, თუ რა გახდა ფირცხალავას გლდანის ციხეში გადაყვანის მიზეზი.

დღესვე „სამართალდამცველთა დაცვის ლიგამ“ გაავრცელა ფირცხლავას განცხადება გაავრცელა, რომლითაც ის ომბუდსმენს მიმართავს.

„სამართალდამცავთა დაცვის ლიგა“ წარმოგიდგენთ, ჩვენი ორგანიზაციის ერთ-ერთი დამფუძნებლის, პოლიციის პოლკოვნიკ ირაკლი ფირცხალავას განცხადებას. ირაკლი ფირცხალავა უკვე 6 თვეა პატიმრობაში იმყოფება, მან ამ რამდენიმე თვეში, სამჯერ ოფიციალური განცხადების საფუძველზე მოითხოვა სახალხო დამცველის ან აპარატის ნებისმიერი თანამშრომლის მასთან შესვლა, თუმცა სახალხო დამცველი, არც ფირცხალავას განცხადებას პასუხობს და არც პატიმრის მოთხოვნას მასთან აპარატის თანამშრომელის შესვლის თაობაზე არ ითვალისწინებს. იმისთის, რომ სახალხო დამცველმა ამჯერად მაინც მოახდინოს რეაგირება, ჩვენ გადავწყვიტეთ განცხადების გასაჯაროვება.

„მოგესალმებით ბატონო უჩა, მიუხედავად იმისა, რომ არანაირი ზომები არ მიიღეთ ჩემს მიერ თქვენს სახელზე დაწერილ განცხადებებზე #32 11 62 (20.04.2015) #47 74 20 (17.06.2015) #52 77 86 (03.07.2015) მინდა გაცნობოთ, რომ ცოცხალი ვარ და კვლავ მოუთმენლად ველოდები თქვენს წარმომადგენელთან შეხვედრას. მუდამ თვენი, პოლიციის პოლკოვნიკი ირაკლი ფირცხალავა.

„სამართალდამცავთა დაცვის ლიგა“ მიმართავს სახალხო დამცველს გაითვალისწინოს ირაკლი ფირცხალავას კანონიერი მთხოვნა“, - ნათქვამია განცხადებაში.

შეგახსნებთ, რომ გლდანის ციხეში მძიმე დანაშაულისთვის ბრალდებულები იხდიან სასჯელს.