თბილისის საქალაქო სასამართლოში ცრუ დასმენის ფაქტზე გიორგი ოქროპირიძის წინასასამართლო სხდომა გაიმართა. პროცესზე დაცვის მხარემ შუამდგომლობა დააყენა, რომ ოქორპირიძე პატიმრობიდან გათავისუფლდეს.

„ერთი კვირის წინ პროკურატურამ მიმართა სასამართლოს შუამდგომლობით, რომ გიორგი ოქროპირიძის მიმართ პატიმრობის ვადა გაგრძელებულიყო თუმცა მოსამართლემ უარი თქვა. დღეს დავაყენეთ შუამდგომლობა, რომ ოქროპირიძე გათავისუფლებულიყო პატიმრობიდან და გაუქმებულიყო აღკვეთის ღონისძიება. პროკურატურამ შუამდგომლობაზე პასუხის გასაცემად დრო ითხოვა. დარწმუნებული ვარ, რომ გიორგი ოქროპირიძე ხვალ პატიმრობიდან გათავისუფლდება“, - განაცხადა ადვოკატმა.

წინასასამართლო სხდომა აღნიშნულ საქმეზე ხვალ 10:30 საათზე გაგრძელდება. ლაშა მახარაძის მკვლელობის ფაქტზე ბრალდებულ გიორგი ოქროპირიძეს ახალი ბრალი, პირადი მოტივით ცრუ დასმენის ფაქტზე, მიმდინარე წლის 8 ივნისს წარედგინა.