ოდესის ოლქის გუბერნატორი, მიხეილ სააკაშილი ოდესაში ტიმატის კონცერტის ჩატარების წინააღმდეგ გამოდის. ამის შესახებ სააკაშილი ფეისბუკის პირად გვერდზე წერს.

„ვურჩევ სასაზღვრო სამსახურს, არ დაუშვას პუტინის მსახურის შემოშვება უკრაინის თავისუფლებისთვის მებრძოლ მიწაზე“ - წერს სააკაშვილი და დასძენს, რომ 2014 წლის ოქტომბერში მომღერალმა უკრაინა რუსეთის "უმცროს ძმას" შეადარა, რომელმაც ბრძოლა სასმელისა და ნარკოტიკების თავისუფალი მოხმარებისთვის დაიწყო. ამავდროულად, ოდესის გუბერნატორის თქმით, გაოცებულია იმ ფაქტით, რომ ერთერთმა ყველაზე პოპულარუმა ღამის კლუბმა ტიმატი ოდესაში მიიწვია.

„უკრაინის სცენაზე მათი ადგილი არ არის, ვინც თავისუფლებისთვის სწრაფვას ნარკომანიას ადარებს. ვფიქრობ, „იბიცა“ ევროპის საუკეთესო კლუბი და ოდესის ერთერთი ყველაზე ნათელი ღირსშესანიშნაობაა. და მე, როგორც თქვენს გულშემატკივარს, არ მესმის, როგორ შეგეძლოთ აქ იმ მომღერლის მოწვევა, რომელიც ბოლომდე ამართლებს რუსულ აგრესიას. აღარაფერს ვამბობ იმაზე, რომ ტიმატი კადიროვის საუკეთესო მეგობარია, მისი, ვისაც უამრავი უკრაინელის სისხლში აქვს ხელები გასვრილი. მე მივესალმები რუს ტურისტებს ოდესაში და ბედნიერი ვიქნებოდი აქ მაკარევიჩის, ДДТ-ს, ზემფირას კონცერტები მენახა, რომლებიც ღიად უჭერენ მხარს უკრაინას, სიამოვნებით დავესწრებოდი BG-ის კონცერტს" - წერს სააკაშვილი.

შეგახსენებთ, რუსი რეპერი რუსეთისა და ჩეჩნეთის ლიდერების ახლო მეგობარია და უკრაინაში პუტინის აგრესიას მხარს უჭერს.