უიტნი ჰიუსტონის 22 წლის ქალიშვილი, ბობი კრისტინა ბრაუნი 6-თვიანი კომის შემდეგ გარდაიცვალა. ამის შესახებ ოჯახის ოფიციალურმა წარმომადგენელმა, კრისტინა ფორტერმა განაცხადა.

შეგახსენებთ, ბობი კრისტინა ბრაუნი , 31 იანვარს ბოიფრენდმა აბაზანაში გონდაკარგული იპოვა და მას შემდეგ კომაში იმყოფებოდა. მისი გაუარესებული ჯანმრთელობის მდგომარეობის მიზეზები უცნობია.

კრისტინა, უიტნი ჰიუსტონისა და მომღერალ, ბობი ბრაუნის ერთადერთი შვილი იყო.

შეგახსენებთ, სამი წლის წინ გოგონას დედა, 48 წლის უიტნი ჰიუსტონი აბაზანაში გარდაცვლილი იპოვეს. სამედიცინო დასკვნის შედეგად დადგინდა, რომ კოკაინის ზემოქმედების ქვეშ მომღერალს, აბაზანის მიღებისას გულის შეტევა დაემართა და აბაზანაში დაიხრჩო.