"მთელს ევროპას სძულს მერკელი, გარდა ამ ქალისა“ - სკანდალური ვიდეორგოლი "კანცლერის" მონაწილეობით

მსოფლიო - 13:31, 23 Jul, 2015

6918

გერმანიაში, 22 ივლისს ჟურნალ Straight-ის პირველი ნომერი უნდა გამოსულიყო, რომელიც სექსუალური უმცირესობის წარმომადგენლებზეა ორიენტირებული. თავად ამ ჟურნალის გამოსვლის ფაქტს იმდენად დიდი სკანდალი არ გამოუწვევია, რაც მის სარეკლამო კამპანიას, რომელშიც გერმანიის კანცლერის, ანგელა მერკელის პროტოტიპია გამოყენებული.

სარეკლამო რგოლში მონაწილე ქალი ძალიან ჰგავს ანეგლა მერკელს. კლიპში „მერკელი“ ფანჯარაში იყურება და უსმენს რადიოს, რომელიც აცხადებს, რომ გერმანელების 62% ერთსქესიანთა ქორწინებას უჭერს მხარს. „კანცლერი“ უარყოფის ნიშნად თავს აქნევს. თუმცა ამ დროს, მასთან ქალი მიდის და ეხუტება. „მთელს ევროპას სძულს მერკელი, გარდა ამ ქალისა“ - ნათქვამია ვიდეოში.

ვიდეორგოლის ავტორების განცხადებით, მათ სურდათ ეჩვენებინათ, რომ ქვეყანას ახალი კანონები სჭირდება, რათა სექსუალური უმცირესობის უფლებები გაფართოვდეს. რეკლამაში ანგელა მერკელის ფაქტორის გამოყენება კი დიდ ყურადღებას მიიპყრობდა.

შეგახსენებთ, რამდენიმე დღის წინ გერმანიის კანცლერმა განაცხადა, რომ ის გეი ქორწინებას წინააღმდეგება და მისთის ქორწინება, მხოლოდ ქალისა და მამაკაცის კავშირს ნიშნავს.