პროკურატურის ინფორმაციით, გამოძიების შედეგად დადგინდა, რომ თავდაცვისა და შს ყოფილი მინისტრმა ახალაიამ 2006 წლის გაზაფხულზე გადაწყვიტა გაექარწყლებინა მის მიერ პატიმრების ცემისა და შურაცხმყოფელი მოპყრობის თაობაზე მასობრივი საინფორმაციო საშუალებებით გავრცელებული ხმები და დგებუაძესთან (მეტსახელად მასტერასთან) ერთად შეიმუშავეს გეგმა. ე.წ. ახალაიას გეგმა მთავარ პროკურატურაში დეტალურად განმარტეს.

"საქმე ეხება 2006 წლის 27 მარტს სასჯელაღსრულების დეპარტამენტის 1, 5 და მსჯავრდებულთა და პატიმართა სამკურნალო დაწესებულებაში მომხდარ ე.წ. ციხის ბუნტს. გამოძიებით დადგინდა, რომ ბაჩანა ახალაიამ 2006 წლის გაზაფხულზე გადაწყვიტა გაექარწყლებინა მის მიერ პატიმრების ცემისა და შურაცხმყოფელი მოპყრობის თაობაზე მასობრივი საინფორმაციო საშუალებებით გავრცელებული ხმები, ამიტომ ახალაიამ დგებუაძესთან (მეტსახელად მასტერასტან) ერთად შეიმუშავეს გეგმა. ამ მიზნით დგებუაძე და ახალაია ახალაიას კაბინეტში შეხვდნენ "კანონიერ ქურდს" პეტრე მამარდაშვილს და მას გააცნეს გეგმა, რომელშიც მონაწილეობა უნდა მიეღო თავად პეტრე მამარდაშვილს. გეგმის მიხედვით პატიმრების გასეირნების დროს მას შემდეგ რაც პატიმრები დატოვებდნენ საცხოვრებელ ფლიგელს ე.წ. კანონიერი ქურდების კამერის წინ დამონტაჟებდნენ ფარულ ვიდეო და აუდიო კამერას. ამის შედეგ აღნიშნულ დერეფანში დაწესებულების დირექტორის მოთხოვნით ჩამოიყვანდნენ პატიმარ ვიბლიანს, რომელიც დაწესებულების კრიმინალურ წრეებში მოიაზრებოდა, როგორც ე.წ მაყურებელი. მამარდაშვილს ვიბლიანთან ფარული კამერის წინ უნდა ესაუბრა დაწესებულებაში კრიმინალური ავტორირტეტებისათვის შექმნილ გაუსაძლის მდგომარეობაზე და უნდა დაედანაშაულებინა ახალაია. ამის შემდეგ ახალაიას ხელოვნურად დისკრიმინაციის მიზნით უნდა დევალებინა ვიბლიანისთვის, რომ მას შეერჩია, რომელიმე გახმაურებულ საქმეზე, ცნობილი პატიმარი, რომელიც იმავდროულად იქნებოდა მათთვის სანდო კაცი. ვიბლიანს ამ კაცისათვის უნდა შეეთავაზებინა, რომ საკუთარ სხეულზე მიეყენებინა რაიმე სახის მსუბუქი დაზიანება, შემდეგ ეჩივლა ამ დაზიანებაზე უფლებადამცველ ნანა კაკაბაძესთან და ამ ზიანის მიყენებაში დაედანაშაულებინა ბაჩანა ახალაია. ახალაიას გეგმით მამარდაშვილსა და ვიბლიანს შორის საუბარი ჩაიწერებოდა ფარული კამერით. მას შემდეგ რაც ვიბლიანის მიერ შერჩეული პატიმარი მიიყენებდა დაზიანებას და იჩივლებდა ნანა კაკაბაძესთან, რომლიც ამ ფაქტს გამოაქვეყნებდა პრესაში და მედიაში. ახალაია ამის საპასუხო გამოაქვეყნებდა მამარდაშვილისა და ვიბლიანის ფარულ ვიდეოჩანაწერს და მოატყუებდა ამით საზოგადოებას, რომ მასზე გავრცელებული ხმები პატიმრების მიმართ არასათანადო მოპყრობაზე ინსცენირებული იქნა კრიმინალური ავტორიტეტების მიერ", - განაცხადეს მთავარ პროკურატურაში.