ფრანგი მსახიობი, ჟერარ დეპარდიე, რომელიც ამჟამად რუსეთის მოქალაქეა, უკრაინაში პერსონა ნონ გატად გამოცხადდა.

ამის შესახებ გამოცემა ТСН ფრანგულ სააგენტო Ouest-France-ზე დაყრდნობით წერს.

„უკრაინის კულტურის სამინისტრო მიიჩნევს, რომ მსახიობი საფრთხეს უქმნის ქვეყნის უსაფრთხოებას“- აღნიშნავს რედაქცია.

გავრცელებული ინფორმაციით, „შავი სია“ ოფიციალურად 3 აგვისტობს გასაჯაროვდება და მასში დეპარდიესთან ერთად სერბი რეჟისორი ემირ კუსტურიცა, ამერიკელი რეჟისორი სტივენ სიგალი და ოლივერ სტოუნი, ასევე რამდენიმე რუსი რეჟისორი მოხვდა.

შეგახსენებთ, ჟერარდ დეპარდიემ რუსეთის მოქალაქეობა 2013 წელს მიიღო და საცხოვრებლად მოსკოვში გადავიდა. მისი თქმით, ის არასოდეს გრძნობდა თავს ფრანგად და არც იმ ღირებულებებს იზიარებდა, რომლითაც იზრდებოდა, ამიტომაც მზად არის რუსეთისთვის მოკვდეს.