შინაგან საქმეთა სამინისტროში არ ადასტურებენ მედიაში გავრცელებულ ინფორმაციას, რომ სახელმწიფო უშიშროების სააგენტოს, ანალიტიკური სამსახურის უფროსმა ქართველიშვილმა საქართველო დატოვა და რუსეთში გაიქცა.

ამის შესახებ „ნიუპოსტს“ უწყების პრესსამსახურში განუცხადეს.

მათი ინფორმაციით, ქართველიშვილი საქართველოში იმყოფება და სამსახურეობრივ მოვალეობას ასრულებს.

შეგახსენებთ, გუშინ მედიაში გავრცელდა ინფორმაცია, რომ ქართველიშვილი ოკუპირებული ტერიტორიის გავლით, ახალგორის მხრიდან რუსეთში გადავიდა და ამჟამად მოსკოვში იმყოფება. გავრცელებული ინფორმაციით, სუს-ის ანალიტიკური სამსახურის უფროსი ოკუპირებულ ტერიტორიამდე ტაქსით მივიდა და ქართველი სამართალდამცავების და საოკუპაციო ხაზი სამსახურეობრივი საბუთის ჩვენების შემდეგ გადალახა.