ISIS მშიდობიანი მოსახლეობის წინააღმდეგ ქიმიურ იარაღს იყენებს

მსოფლიო - 13:29, 20 Jul, 2015

1463

რადიკალურ ისლამისტურ დაჯგუფება „ისლამურ სახელმწიფოს“ ქიმიური იარაღის გამოყენებაში ადანაშაულებენ.

ორი უცხოური დამოუკიდებელი ორგანიზაციის Conflict Armament Research-ისა და Sahan Researc-ის ერთობლივი გამოძიებისა და მოპოვებული ფაქტების შედეგად დადგინდა, რომ ერაყსა და სირიაში ისლამისტები ქურთი მებრძოლებისა და მშვიდობიანი მოსახლეობის წინააღმდეგ ქლორისა და სხვა ნივთიერებების შემცველ ჭურვებს იყენებენ. ამის შესახებ ინფორმაციას „სიენენი“ ავრცელებს.

ექსპერტებმა, ბოლო ერთი თვის განმავლობაში 3 ასეთი შემთხვევა გამოავლინეს – 2 სირიის ჩრდილოეთ რეგიონებში, ერთი კი ერაყში. სპეციალისტები ვარაუდობენ, რომ ისლამური სახელმწიფო უკვე ახალი ტიპის ქიმიური იარაღის შექმნაზე მუშაობს.

გერმანული გამოცემა Die Welt ჯიჰადისტების მიერ ქიმიური იარაღის გამოყენებაზე ჯერ კიდევ აპრილის თვეში წერდა.

გამოცემის თანახმად, სადამ ჰუსეინის მშობლიურ ქალაქ ტიკრიტში, ქურთების წინააღმდეგ ქლორის გაზის ყუმბარების გამოყენების ფაქტები დადასტურებული იყო, რის გამოც დაიღუპა 6, ხოლო მოიწამლა 70 ადამიანი.

მომწამვლელი იარაღის გამოყენებაზე, სირიელი ბავშების ჯანმრთელობის მდგომარეობის შემოწმების შემდეგ ექიმებიც ალაპარაკდნენ.

გავრცელებული ინფორმაციით, გაეროს უშიშროების საბჭოს ფაქტების დამადასტურებელი კადრებიც მიაწოდეს.

სირიელმა ექიმმა, მუჰამედ ტენარმა, რომელიც ქლორის გაზისკან მოწამლულ ბავშვებს მკურნალობდა, გაეროს მიმართა.

„გთხოვთ, შეაჩერეთ სირიაში მკვლელობები. თუკი ასე გაგრძელდა, ბავშები უმოწყალოდ დაიხოცებიან“- განაცხადა ექიმმა. მისი თქმით, ქიმიური იარაღისგან დასაცავდ საერთაშორისო საზოგადოებამ მნიშვნელოვანი და აუცილებელი ზომები უნდა მიიღოს.

შეგახსენებთ,„ისლამური სახელმწიფოს“ ბოევიკები განსაკუთრებული სისასტიკით გამოირჩევიან. ისინი სირიისა და ერაყის მნიშვნელოვან ტერიტორიებს აკოტროლებენ.