პენტაგონის ხელმძღვანელის, ეშტონ კარტერის განცხადებით, ირანის ბირთვულ პროგრამასთან დაკავშირებით მიღწეული შეთანხმება სამხედრო მოქმედებებს არ გამორიცხავს, თუ თეირანი ბირთვულ იარაღზე მუშაობას გააგრძელებს.

კარტერი დიპლომატიური ვიზიტით ისრაელს, საუდის არაბეთსა და იორდანიას ეწვევა. პენტაგონის ხელმძღვანელმა ხაზგასმით აღნიშნა, რომ აშშ ინარჩუნებს და აუმჯობესებს სამხედრო სცენარის განვითარებისთვის მზადებას, იმ შემთხვევაში თუკი ირანი ბირთვულ გარიგებას დაარღვევს.

შეგახსენებთ, ირანის ბირთვულ პროგრამასთან დაკავშირებით "ექვსეულმა" თეირანთან შეთანხმებას მიაღწია, რომლის მიხედვითაც ირანი ბირთვული პროგრამის შეზღუდვაზე დათანხმდა, სანაცვლოდ კი დასავლეთი თეირანის სანქციებისგან გაათავისუფლებს. თუმცა, სავარაუდოდ, ძალაში დარჩება იარაღზე დაწესებული ემბარგო.