ობამას ორმაგი დარტყმა პუტინს - რუსეთის ეკონომიკის აღსასრული

მსოფლიო - 15:21, 19 Jul, 2015

25666

როგორც ჩანს, დგება არა მარტო პუტინის რუსეთის ეკონომიკის აღსასრული, არამედ, უახლოეს მომავალში, მსოფლიო ეკონომიკა საბოლოოდ განთავისუფლდება რუსული ნავთობისა და გაზის დამოკიდებულებისაგან.

აშშ-ს პრეზიდენტმა ბარაკ ობამამ რუს კოლეგას, ვლადიმერ პუტინს ივლისში უმძიმესი ორმაგი დარტყმა მიაყენა.

პირველი დარტყმა იყო თანხმობის მიღება აშშ კონგრესისაგან ქვეყნის 8 წლიანი ნავთობმარაგის გაყიდვის თაობაზე, რომლისგან შემოსული თანხაც იშვიათი მძიმე სახის დაავადებების მკურნალობისათვის აუცილებელ გამოკვლევებს მოხმარდება. ეს აქტი 2015 წლის 8 ივლისს განხორციელდა.

მეორე დარტყმა 14 ივლისს განხორციელდა, როდესაც ირანის სახელმწიფო ტელევიზიამ ობამას გამოსვლის პირდაპირი ტრანსლაცია განახორციელა, რომელშიც აშშ პრეზიდენტმა განაცხადა, რომ მიღწეულია შეთანხმება ირანის ბირთვულ პროგრამასთან დაკავშირებით. უახლოეს მომავალში, აშშ-სა და ირანის პარლამენტები ამ შეთანხმების რატიფიცირებას მოახდენენ და მოიხსნება ემბარგო ირანის ნავთობისა და გაზის მოწოდების აკრძალვის თაობაზე.

შესაბამისად უახლოეს მომავალში ევროპისა და მსოფლიოს ბაზარზე აშშ-დან და ირანიდან ნავთობპროდუქტების ძალიან დიდი რაოდენობა შემოვა, რაც კრიტიკულ დარტყმას მიაყენებს რუსეთის ეკონომიკას.

ირანის ეროვნული ნავთობკომპანიის NIOC-ის საერთაშორისო კავშირების დირექტორმა მოხსენ კამსარიმ განაცხადა, რომ სანქციების მოხსნის შემდეგ ირანი მკვეთრად გაზრდის ნავთობისა და გაზის ექსპორტს და როგორც ადრე, ირანული ნავთობისა და გაზის წილი ევროპულ ბაზარზე 42-43 პროცენტს მიაღწევს.

ირანს ყველაფერი მზად აქვს, მას გააჩნია მსოფლიოში ყველაზე დიდი , 42 ტანკერისაგან შემდგარი საზღვაო ფლოტი, NIOC-ის განკარგულებაშია VLCC (Very Large Crude Carrier) კლასის 60 ტანკერი, რომლებსაც ჯამში 100 მილიონი ტონა ნავთობპროდუქტების გადაზიდვა შეუძლია. ზოგიერთი ექსპერტი ვარაუდობს, რომ ერთი ბარელი ნავთობის ფასი, დღევანდელი 60$-დან მინიმუმ 15$-ით დაეცემა. შეგახსენებთ, რომ რუსეთში ნავთობის მოპოვების თვითღირებულება 35$ დოლარია.

რუსეთის ძირითადი საექსპორტო პროდუქტი ძლიერი კონკურენტების - აშშ-სა და ირანის წნეხის ქვეშ მოექცევა და რადგანაც რუსეთის ბიუჯეტის 2/3 ნავთობისა და გაზის გაყიდვის შემოსავლებზეა დამოკიდებული, პუტინი უმძიმეს მდგომარეობაში მოექცევა.

როგორ ამთავრებს ცხოვრებას სახელმწიფო რომელსაც მსოფლიო ბატონობაზე აქვს პრეტენზია, ხოლო მისი ეკონომიკა კრიტიკულადაა დამოკიდებული ნედლეულის, კერძოდ ნავთობგაზპროდუქტების გაყოდვაზე საბჭოთა კავშირის ისტორიიდან კარგად გვახსოვს.