სოფელ წითელუბანთან და ორჭოსანთან გადაადგილებაზე შეზღუდვა სავარაუდოთ, ორშაბათამდე გაგრძელდება. როგორც „ნიუპოსტს“ შსს-ს ანალიტიკური დეპარტამენტის ხელმძღვანელმა შალვა ენუქიძემ განუცხადა, ერგნეთში 20 ივლისს ინციდენტების პრევენციისა და მათზე რეაგირების მექანიზმის ფარგლებში რიგგარეშე სხდომაა დაგეგმილი.

მისი თქმით, შემდგომი ნაბიჯები ამ სხდომის დასრულების შემდეგ გადაწყდება.

შეგახსენებთ, სამართლადამცავები ჟურნალისტებს ხურვალეთის და წითელუბნის მიმართულებით გადაადგილების საშუალება არ აძლევენ. ადგილზე ამ დრომდე დაძაბული ვითარებაა. იქ იმყოფებიან „თავისუფალი ზონის“ წევრები, რომლებიც აქციის გამართვას აპირებენ. ცოტა ხნის წინ მათსა და პოლიციას შორის დაპირისპირებაც მოხდა. დაკავებულია „თავისუფალი ზონის“ რამდენიმე წევრი.