საქალაქო სასამართლოში ზურაბ ჟვნაიას საქმეზე ექსპრემიერის მძღოლი მოწმის სტატუსით დაიკითხა. მისი თქმით, ჟვანია დაცვის გარეშე არასდროს გადაადგილდებოდა.

პროცესზე ჟვანიას დაცვის წევრიც დაიკიხა.

"დაკითხვამ ნათლად აჩვენა, რომ თუ დაცვის თანამშრომელი კობა ხარშილაძე ეტყოდა ცენტრი 1-ს საბურთალოს ქუჩა 53 ა-ს შესახებ, ეს ეცოდინებოდა როგორც ოპერატიულ ჯგუფს, ისე ადგილობრივ პოლიციას. მითითება, რომ შეიძლება კოდირებული ყოფილიყო, არის აბსურდი იმიტომ, რომ ცენტრი 1-ზე მიწოდებული ინფორმაცია საიდუმლო არ არის შს სამინისტროსთვის და ოპერატიული სამსახურისთვის. შესაბამისად, ზურაბ ჟვანიას მონახულების ადგილის თაობაზე, ერთი და ორი კი არა ბევრი ადამიანი გაიგებდა,"- განაცხადა დაცვის მხარის ადვოკატმა ბექა ბასილაიამ.

სხდომას კობა ხარშილაძეც ესწრებოდა. შეგახსენებთ, ჟვანიას საქმეს ნაფიცი მსაჯულები განიხილავენ, რომლებმაც განაჩენი ერთ თვეში უნდა გამოიტანონ.