რა მიზნით იმყოფებიან ნიღბიანი შეიარაღებული რუსი ჯარისკაცები ე.წ. საზღვართან

რა მიზნით იმყოფებიან ნიღბიანი შეიარაღებული რუსი ჯარისკაცები ე.წ. საზღვართან - შსს-ს კომენტარი

სამართალი - 14:12, 16 Jul, 2015

2094

შინაგან საქმეთა სამინისტროს ანალიტიკური დეპარტამენტის უფროსის - შალვა ენუქიძის ინფორმაციით, ამ დრომდე დაუდგენელია რა მიზნით იმყოფებიან რუსი ჯარისკაცები საოკუპაციო საზღვართან.

როგორც „ნიუპოსტს“ ენუქიძემ განუცხადა, ადგილზე სულ 7 შეიარაღებული სამხედრო იმყოფება.

„აქედან სამ მათგანს ე.წ. მასკა უკეთია. ამ მომენტისთვის ამუშავებული იქნა ცხელი ხაზი ევროკავშირის სადამკვირვებლო მისიის უშუალო თანამონაწილეობით. კავშირზე გამოვიდა დე-ფაქტო ხელისუფლების ე.წ. სასაზღვრო ნაწილის ხელმძღვანელი კაზაევი, რომელიც ამ მომენტისთის ადგილზე იმყოფება. ჩვენ ვთხოვეთ მათ, რომ აეხსნათ, თუ რა დავალებით იმყოფებიან ის პირები ადგილზე. ისინი არიან დე-ფაქტო ხელისუფლების ე.წ. სასაზღვრო დანაყოფების ჯარისკაცები თუ ფედერალური სამსახურის სასაზღვრო განყოფილების ჯარისკაცები. ამაზე ჯერ პასუხი არ მიგვიღია. ადგილზე იმყოფება რეგიონის კრიმინალური პოლიცია. დე-ფაქტო ხელისუფლებისგან ველოდებით განმარტებას. ასევე მინდა გითხრათ, რომ ორშაბათს დანიშნულია რიგგარეშე შეხვედრა ერგნეთში, სადაც შექმნილ სიტუაციათან დაკავშირებით დებატები გაიმართება“ - განაცხადა ენუქიძემ.

შეგახსენებთ, საოკუპაციო საზღვართან, იქ, სადაც 10 ივლისს რუსებმა ე.წ. საზღვრის აღმნიშვნელი ბანერები აღმართეს, რუსი ჯარისკაცები იმყოფებიან.