გურამ ოდიშარიამ სამინისტროში მუშაობის 120 დღის ანგარიში შეაჯამა

საზოგადოება - 14:29, 28 Feb, 2013

339

ჩათვლით განხორციელებულ და 2013 წელს დაგეგმილ პროექტებზე ისაუბრა.

შეხვედრაზე უკვე განხორციელებული პროექტები განიხილეს: საშობაო ბაზრობა სტრასბურგში და შეხვედრები ევროსაბჭოში, ვენეციის 55-ე ბიენალე, ჩინეთის კულტურის დღეები, მრგვალი მაგიდები, იტალიელი მსახიობის ჯანკარლო ჯანინის ვიზიტი საქართველოში, ასევე სხვადასხვა შეხვედრები საქართველოს რეგიონებში, ტაძრების მონახულება და სარესტავრაციო სამუშაოების დათვალიერება.

ანგარიშში ასევე შევიდა კომპოზიტორ ნუნუ გაბუნიას და მსახიობ ჟანრი ლოლაშვილის 70 წლის იუბილესთან დაკავშირებით ვარსკვლავის გახსნა, რეზო ჩხეიძის საიუბილეო საღამო და გამოფენა, ოპერის მმართველად გიორგი ჟორდანიას წარდგენა და სხვა მრავალი.
რაც შეეხება სამომავლო პროექტებს მინისტრის გურამ ოდიშარიას თქმით, მათი რეზულტატი მოგვიანებით გამოჩნდება, თუმცა მუშაობა უკვე დაწყებულია. სამომავლო პროექტებია: ვენეციის 55-ე ბიენალეზე საქართველოს წარდგენა, ლაიფციგის, ფრანქფურტის და ლონდონის წიგნის ბაზრობაზე საქართველოს მონაწილეობა, "ვეფხისტყაოსნის" ინგლისურ და ფრანგულ ენებზე გამოცემა, პატრიარქის ეპისტოლეს ინგლისური ვერსიის გამოშვება, ოთარ ჭილაძის "აველუმის" ბრიტანეთში, ხოლო დათო ტურაშვილის "ჯინსების თაობის" ჰოლანდიაში გამოცემა და სხვა მრავალი პროექტი.
მინისტრმა ისიც აღნიშნა, რომ მსგავსი შეჯამება და ანგარიშის წარდგენა სავარაუდოდ ორ თვეში ჩატარდება, სადაც უკვე სამინისტროს ნახევარწლიან მუშაობაზი იქნება საუბარი.