უკრაინის პრეზიდენტმა პეტრო პოროშენკომ, გენერალურ პროკურორთან და მის მოადგილესთან, დავით საყვარელიძესთან შეხვედრისას განაცხადა, რომ პროკურატურის მაღალჩინოსნების წინააღმდეგ დაწყებული ხმაურიანი საქმე ბოლომდე იქნება მიყვანილი. თავის მხრივ, გენ პროკურორმა შოკინმა პირობა დადო, რომ კორუმპირებული ჩინოვნიკების დასასჯელად ყველაფერს გააკეთებს.

ამის შესახებ დავით საყვარელიძე „ფეისბუკის“ პირად გვერდზე წერს.

„პრეზიდენტთან შეხვედრაზე გენერალურმა პროკურორმა პირდაპირ განაცხადა, რომ კორუმპირებული ჩინოვნიკების დასასჯელად ყველა ღონეს მიმართავს. ეს მხოლოდ პირველი ნაბიჯია. ჩვენ წინ მივიწევთ" - წერს საყვარელიძე.

შეგახსენებთ, პროკურატურის მაღალჩინოსნების დაკავების ოპერაციას სწორედ გენერალური პროკურორის მოადგილე, დავით საყვარელიძე ხელმძღვანელობდა.