ახალაიას ადვოკატები აცხადებენ, რომ მათი დაცვის ქვეშ მყოფის წინააღმდეგ აღნიშნული მოწმეების მიერ გამოძიებისთვის მიცემული პირველი ჩვენება მტკიცებულებად არ უნდა იქნას გამოყენებული, რადგან სამივე მათგანმა ჩვენება უკვე შეცვალა.
ადვოკატები გირაოს სანაცვლოდ ახალაიას გათავისუფლების შუამდგომლობას დააყენებენ.

თავად თავდაცვის ყოფილი შს მინისტრი ფიქრობს, რომ ბრალდების ყველა მოწმე, რომელიც პროკურატურას ჰყავს წარმოდგენილი, მის სასარგებლო ჩვენებას მისცემს. ამის შესახებ ახალაიამ საქალაქო სასამართლოში მიმდინარე პროცესზე განაცხადა,

როგორც ახალაიამ აღნიშნა, ბრალდების ყველა მტკიცებულება არის სადაო, თუმცა იგი ყველას დასაშვებად მიიჩნევს.

"ამ ხალხს რაც მტკიცებულებები აქვთ, ისევ ჩვენ გამოგვადგება, რომ დავამტკიცოთ ჩემი უდანაშაულობა. ყველა მტკიცებულება უნდა დაუშვათ, თუმცა მე მათ სადაოდ მივიჩნევ. ჩემს ბრალს ამ ადამიანების ჩვენებები არ ამტკიცებს. დარწმუნებული ვარ, რომ მოწმეები რომლებსაც ბრალდება წარმოადგენს, ჩემს სასარგებლოდ მისცემენ ჩვენებას", - განცახადა ბაჩო ახალაიამ საქალაქო სასსამართლოში დღესც მიმდინარე პროცესზე.

წინასასამართლო სხდომაზე მხარეებმა მტკიცებულებები წარმოადგინეს, მათ დასაშვებობაზე გადაწყვეტილების მისაღებად მოსამართლე ამ დროისთვის შესვენებაზეა გასული.

საქალაქო სასამართლოში გარდა ახალაიასი, კიდევ 7 პირის ბრალეულობის შესახებ წინასასამართლო სხდომა მიმდინარეობს.