ბუტა რობაქიძის საქმის ერთ-ერთი მოწმე საპატრულო პოლიციიდან დაითხოვეს

სამართალი - 14:08, 28 Feb, 2013

604

მან ეს განცხადება „პირველი რადიოს“ ეთერში გამართულ პრესკონფერენციაზე განაცხადა.

"ჩემი ინფორმაციით, ამ ადამიანს დაუძახა ხელმძღვანელობამ და უთხრა, გავრცელებულ კადრებში ჩანხარ და ვეღარ იმუშავებ ამ სამსახურშიო. ამის საფუძველზე გაუშვეს ეს ადამიანი", - აცხადებს დონაძე.

როგორც დონაძე ამბობს, ზანდარაშვილი მოჩანს ირაკლი ფირცხალავას მიერ გავრცელებულ კადრებში, სადაც ის ყვირის - ნახეთ? მოკვდა? მოკვდა?

"იმის მაგივრად, რომ პროკურატურამ დაკითხვაზე დაიბაროს ის ადამიანები, რომლებიც ირაკლი ფირცხალავას გავრცელებულ კადრებში სჩანან და ჰკითხონ, რომ გურამ დონაძემ რა ვითარებაში დადგა სცენა? (რადგან მე მკვლელი აღარ ვარ, იარაღის მიმტანი აღარ ვარ და საბოლოოდ, გამოვდივარ სცენარისტი) ეს ამ დრომდე არ მომხდარა".

დონაძემ ჟურნალისტებს გააცნო ამონარიდები ზანდარაშვილის ჩვენებიდან, რომელიც მას ჩამოართვეს 18 დეკემბერს. ჩვენებაში ის მიუთითებს, რომ 10-20 წუთი დაყო შემთხვევის ადგილზე, რის შემდეგაც ერთ-ერთი დაკავებული ჩაისვა მანქანაში და მეწყვილესთან ერთად ის გადაიყვანა იზოლატორში.

ის ჩვენებაში მიუთითებს, რომ სხვა ფაქტების შესახებ არაფერი იცის. ასევე, აღნიშნავს, რომ შემთხვევის ადგილზე მან ნახა ზურაბ მიქაძე და დიდუბე-ჩუღურეთის საპატრულო პოლიციის თითქმის ყველა ეკიპაჟი. დონაძის მიერ გავრცელებულ ჩვენებაში, ზანდარაშვილი ნიუთითებს, რომ დაკავებულების პირად ჩხრეკას არ დასწრებია და არ ფლობს ინფორმაციას, ჰქონდათ თუ არა მათ იარაღი.