სამართალდამცველებმა შხამქიმიკატების სასაქონლო ნიშნის მართლსაწინააღმდეგო გამოყენებისა და აღნიშნული ფუნგიციდების ფალსიფიკაციის ფაქტზე 4 მოქალაქე დააკავეს.

გატარებული ოპერატიულ-სამძებრო და საგამოძიებო მოქმედებების შედეგად, შხამქიმიკატების სასაქონლო ნიშნის მართლსაწინააღმდეგო გამოყენების და აღნიშნული ფუნგიციდების ფალსიფიკაციის ფაქტზე მოქალაქეები, ნიკოლოზ ოქრუაშვილი, რომან ტალაშვილი, ალეკო ხუციშვილი და გიორგი უთიაშვილი დააკავა.

გამოძიებით დადგენილია, რომ ბრალდებულები, უკანონოდ აწარმოებდენენ სხვადასხვა საფირმო სახელწოდებით მარკირებულ საქონელს, უცვლიდნენ ვადებს შეფუთვაზე, ახდენდნენ მის ფალსიფიკაციას და უვარგის პროდუქციას ყიდდნენ საცალო ბაზარზე. აღნიშნული ფალსიფიცირებული შხამქიმიკატების გამოყენება სხვადასხვა მცენარეთა შეწამვლის დროს არანაირ შედეგს არ იძლეოდა.

გამოძიება საქართველოს სისხლის სამართლის კოდექსის 196-ე მუხლის პირველი და 197-ე მუხლის მესამე ნაწილით გრძელდება, რაც ითვალისწინებს თავისუფლების აღკვეთას ვადით 5-დან 7 წლამდე.