საქალაქო სასამართლოში, სადაც ზურაბ ჟვანიას საქმეს ნაფიცი მსაჯულები განიხილავენ, ნინო ქადაგიძე-ჟვანიასა და დაცვის მხარის ადვოკატს ბექა ბასილაიას შორის შეკამათება მოხდა.

ბექა ბასილაიამ კითხვით მიმართა ექსპრემირის მეუღლეს, რომ დაურეკა თუ არა მან შემთხვევის ღამეს კობა ხარშილაძეს და მიხეილ ძაძამიას, რაზეც ნინო ქადაგძემ უპასუხა, რომ დაურეკა.

ამის შემდეგ ადოკატმა განაცხადა, რომ არსებობს ამონაწერი სატელეფონო ზარების, სადაც ჩანს, რომ ქადაგიძეს ხარშილაძესთან იმ ღამეს არ დაურეკია.

ამ განცხადებამ ექსპემიერის მეუღლის გაღიზიანება გამოიწვია.

„თქვენ ამბობთ რომ ვიტყუები, როდესაც ვამბობ, რომ ხარშილაძეს და ძაძამიას ვურეკავდი? უკაცრავად“, - განაცხადა ქადაგიძემ.

შეგახსენებთ, საქალაქო სასამართლოში ნინო ქადაგიძე-ჟვანიას დაკითხვა უკვე რამდენიმე საათია მიმდინარეობს. მან დეტალურად გაიხსენა 2005 წლის 2 თებერვალი და განმარტა, თუ რატომ ფიქრობს, რომ ზურაბ ჟვანია და რაულ უსუპოვი ბუნებრივი სიკვდილით არ გარდაცვლილან. საქმეს ნაფიცი მსაჯულები განიხილავენ, რომლებმაც განაჩენი ერთ თვეში უნდა გამოიტანონ.