რუსეთის ეროვნული საფეხბურთო ნაკრების მთავრმა მწვრთნელმა, იტალიელმა ფაბიო კაპელომ ნაკრები დატოვა. ამის შესახებ რუსეთის საფეხბურთო კავშირის პრესსამსახური იტყობინება.

„რუსეთის ეროვნული საფეხბურთო ნაკრები გულწრფელ მადლობას უხდის ფაბიო კაპელოს და მომავალ საქმიანობაში წარმატებებს უსურვებს“ - ნათქვამია ორგანიზაციის განცხადებაში.

რუსული მედიის ინფორმაციით, ხელშეკრულების გაწყვეტა ორმხრივი შეთანხმების საფუძველზე მოხდა. იტალიელმა მწვრთნელმა კი კომპენსაციის სახით 15 მილიონი ევრო მიიღო.

კაპელო რუსეთის ნაკრებს სათავეში 2012 წელს ჩაუდგა და 12 წლის განმავლობაში პირველად, ნაკრები მსოფლიო ჩემპიონატზე გაიყვანა, თუმცა საკვალიფიკაციო ჯგუფიდან გასვლა ვერ მოახერხა.