"დამტკიცდა, რომ ხუბულოვი არც შსს-ს აგენტი იყო და არც ინფორმატორი"

"დამტკიცდა, რომ ხუბულოვი არც შსს-ს აგენტი იყო და არც ინფორმატორი" - მისირელმა ჩვენება შეცვალა

სამართალი - 17:42, 13 Jul, 2015

2576

სამართალდამცველთა დაცვის ლიგის წევრი ზაზა ჭაიაი მიიჩნევს, რომ ე.წ. კორტების სპეცოპერაციის საქმეზე პროცესი სამართლიანად მიმდინარეობს.

როგორც „ნიუპოსტს“ ჭაიამ განუცხადა, ბრალდების მოწმის ჩვენებით ფირცხალავას უდანაშაულობა დამტკიცდა.

„კორტების სპეცოპერაციის სასამართლო პროცესზე დღს დამტკიცდა, რომ ბატონი ხუბულოვი შსს-ს არც აგენტი იყო და არც ინფორმატორი. მეორე, დამტკიცდა, რომ ხუბულოვის „მიცემული“ ინფორმაციის დოკუმენტი ბუნებაში არ არის! მესამე, არავითარი კავშირი არა აქვს ბატონი ირაკლი ფირცხალავას ძმის დაკავებას და კორტების სპეცოპერაციასთან. აქედან გამომდინარე დაინგრა პროკურატურის მოტივი, რომ ფირცხალავა, კორტების სპეცოპერაცია დაგეგმა „ხუბულოვზე შურისძიების“ მოტივით! ბატონი ირაკლი ფირცხალავა დაპატიმრებულია პოლიტიკური მოტივით და ეს სასამართლო პროცესებზე აშკარა ხდება!“, - განაცხადა ჭაიამ.

დღევანდელ პროცესზე სოდ-ის ყოფილი თანამშრომელი კახა მისირელი დაიკითხა. მან განაცხადა, რომ ხუბულოვმა ირაკლი ფირცხალავას ძმის შესახებ ინფრმაცია მიაწოდა, თუმცა მას ეს ინფორმაცია სოდ-ში არ მიუტანია. მისირელის ინფორმაციით, მისი და ხუბულოვის საუბრის შესახებ ინფორმაცია არ ჰქონდა არც ფირცხალავას.

შეგახსენებთ, რამდენიმე თვის წინ ვრცელდებოდა ინფორმაცია, რომ ყოფილი პოლიციელების წინააღმდეგ ჩვენება კახა მისირელმაც მისცა.