,,ნიუპოსტი“ ექსკლუზიურად ზალიკო ბერგერს და მანანა გოგლიჩიძეს ესაუბრა.

ზალიკო ბერგერი: ,,მე და ქალბატონი მანანა გოგლიჩიძე, ,,მოდისა და დიზაინის ასოციასიის“ თავმჯდომარე, ამ წუთასაც ერთად ვსხედვართ... 30 ივლისიდან 2 აგვისტოს ჩათვლით ბათუმში ტარდება ,,აჭარა ფეშენ ვიკი“, რომელსაც მანანა გოგლიჩიძე ხელმძღვანელობს. მეც ვიღებ მონაწილეობას. მანანას აქვე მადლობა მინდა ვუთხრა, რომ მისი დახმარებით ვქმნი ახალ კოლექციას, რომლის პრეცენტაციაც ბათუმში შედგება. აქვე იხსნება პალმ აპარტამენტების საცურაო კომპლექსი, ეს არის გახსნის მეორე ეტაპი და იქნება წარმოდგენილი მოდის თეატრი, რომელსაც მანანა ხელმძღვანელობს“.

მანანა გოგლიჩიძე: პირველი და მნიშვნევლოვანი არის ის, რომ საქართველოში ჩამოვაყალიბეთ ,,მოდისა და დიზაინის ასოციაცია“ მე და ქალბატონმა ნატალიმ. თავმჯდომარე მე გახლავართ. ამ ასოციაციის მიზანი არის, რომ დავეხმაროთ ახალგაზრდა დიზაინერებს, რომ ჰქონდეთ საშუალება, უფასოდ პოდიუმებზე მიიღონ მონაწილეობა, გვანახონ თავიანთი ხელოვნება. ვეხმარებით, რომ შექმნან თავიანთი კოლექციები. ამას გარდა ,,ფეშენ გრუპმა“ და ჩვენ გავაკეთეთ პატენტი ,,აჭარა ფეშენ ვიკის“ და ბათუმის, აჭარის მთავრობის ძალიან დიდი გვერდით დგომით, რამაც ძალიან დიდი ინტერესი გამოიწვია ბათუმში, პალმ აპარტამენტების ტერიტორიაზე 30 ივნისს ვაკეთებთ დიდ პრეზენტაციას ,,ფეშენ ვიკის“, ანუ ეს იქნება მხატვრული დღე. ჩამოსული იქნებიან სტუმრები, გვეყოლება ცნობილი ბაიერები სხვადასხვა ქვეყნებიდან. ეს ადამაინები საერთოდ არ არიან აჭარაში ნამყოფი, პირველ დღეს პატარა ექსკურსს ვუკეთებთ, შემდეგ ვასადილებთ და მერე ვუკეთებთ ულამაზეს გახსნას, რომელსაც დაესწრებიან აჭარისა და იმერეთის ადგილობრივი ხელისუფლების წარმომადგენლები. ამის შემდეგ უკვე, იმავე ტერიტორიაზე საღამოს მოვუწყობთ ბანკეტს. 31 ივლისიდან უკვე იწყება ,,აჭარა ფეშენ ვიკის“ სამუშაო დღეები. 2 აგვისტოს იქნება დახურვა. დახურვის ცერემონიალიც იქნება ძალიან საინტერესო. სტურმები გვეყოლებიან ერთი დღე ქუთაისში, სასტუმრო ბაგრატში, ხოლო შემდეგ ჩამოვიყვანთ ქალაქ ბათუმში“.