რუსეთის პრეზიდენტის, ვლადიმერ პუტინის განცხადებით, საბერძნეთში ვითარების უკიდურესად გართულება ევროპელების დაუდევრობამ გამოიწვია, რადგან მათ არ მოახდინეს დროული რეაგირება საბერძნეთის ხელისუფლების იმ დარღვევებზე, რომლებზეც ევროპელი ლიდერები დღეს საუბრობენ.

ვლადიმერ პუტინმა უარყო მედიაში გავრცელებული ინფორმაცია, თითქოს ათენმა მოსკოვს ფინანსური დახმარების თხოვნით მიმართა.

„სიტუაცია მართლაც რთულია. თუმცა, ახლა მარტივია ყველაფერი ბერძნებს დააბრალო, მაგრამ თუ რეალურად არსებობდა დარღვევები ბერძნების მხრიდან, სად იყო ევროკომისია? რატომ არ შეჰქონდა მას კორექტივები საბერძნეთის წინა ხელისუფლების ეკონომიკურ საქმიანობაში ან რატომ აძლევდნენ ამხელა ბონუსებს და კრედიტებს? რატომ მიიყვანეს ქვეყანა ამ დონემდე, გაუგებარია“ - განაცხადა ვლადიმერ პუტინმა.